Jólaball


JólaballSíldarvinnslan hf. og 9. bekkur Nesskóla halda jólaball í Egilsbúð þann 28. desember kl. 17:00.  Dansað verður í kringum jólatréð og jólasveinar kíkja í heimsókn með eitthvað gott í poka.  Kaffi verður á könnunni fyrir fullorðnafólkið og djús fyrir krakkana.

Aðgangur er ókeypis.



Góða skemmtun

Síldarvinnslan og 9. bekkur Nesskóla.

Bleiki dagurinn

Gunnþór IngvasonSíldarvinnslan var með bleikt kaffi fyrir alla starfsmenn sína í Neskaupstað í morgun.  Kaffið var liður í að vekja athygli starfsmanna á átaksverkefni Krabbameins-félagsins, bleika deginum.  Síldarvinnslan hefur verið að vinna að heilsueflingu meðal starfsmanna sinna á undanförnum árum.  Í kaffinu, þar sem bornar voru fram bleikar tertur, var Lilja Ester Ágústsdóttir, hjúkrunarfræðingur, með erindi um mikilvægi krabbameinsskoðana og fór hún jafnframt yfir heilsuboðorð krabbameinsfélagsins.  Um leið og öllum konum fyrirtækisins voru færð hálsmen með bleiku slaufunni, voru þær hvattar til árvekni gagnvart heilbrigði sínu.  Enn fremur munum við hafa hluta húseigna okkar bleikar út mánuðinn. 

Síldarvinnslan hf. kaupir útgerðarfélagið Bergur-Huginn ehf

Síldarvinnslan hf.


Síldarvinnslan hf í Neskaupstað (SVN) hefur undirritað kaupsamning um kaup á öllu hlutafé í útgerðarfélaginu Bergur-Huginn ehf (BH) í Vestmannaeyjum.  Seljandi er hlutafélag í eigu Magnúsar Kristinssonar útgerðarmanns og fjölskyldu.  Kaupverð er trúnaðarmál milli kaupanda og seljenda. 




Bergur-Huginn gerir út tvo nýlega togara, Bergey VE-544 og Vestmannaey VE-444. Bæði skipin eru 29 metra löng og voru smíðuð fyrir útgerðina í Póllandi á árunum 2006 og 2007.  Hjá félaginu starfa 35 manns.  Bergur-Huginn rekur ekki landvinnslu og hefur stærsti hluti aflans farið á markað erlendis.

Forsetaframbjóðandi í heimsókn

Herdís og Hákon skoða síld og makrílHerdís Þorgeirsdóttir, forsetaframbjóðandi, kom í heimsókn til okkar í Fiskiðjuver Síldarvinnslunnar í gær ásamt fylgdarkonum sínum. Eru þær á hringferð um landið og litu við hjá okkur í Neskaupstað og í bræðslunni á Seyðisfirði. Skoðuðu þær verksmiðjurnar og spjölluðu við starfsfólkið. Við þökkum þeim kærlega fyrir komuna og óskum þeim alls hins besta í kosningabaráttunni.

Lesa meira...

Frændur í heimsókn

Frændur í heimsóknUndanfarna viku hafa verið í heimsókn hjá okkur í Neskaupstað, frændur okkar frá Færeyjum, frá fyrirtæki sem heitir Varðin P/F. Eru þeir að taka í notkun hjá sér nýtt uppsjávarfrystihús og voru að kynna sér vinnsluna hjá okkur áður en þeir setja í gang hjá sér.

Heimsókn Forseta Íslands

Ólafur Ragnar Grímsson í heimsóknForseti Íslands, hr. Ólafur Ragnar Grímsson kom og heimsótti okkur í gær ásamt eiginkonu sinni, Dorrit Moussaieff.  Fóru þau í  Fiskiðjuverið, ræddu við starfsfók og svöruðu fyrirspurnum.  Fóru svo í stutta skoðunarferð um Fiskiðjuverið og athafnasvæði Síldarvinnslunnar.  Heimsóknin var hin skemmtilegasta og þökkum við þeim hjónum kærlega fyrir komuna.

Lesa meira...

Öskudagurinn alltaf skemmtilegur

Sungið hástöfumMikið var umleikis hjá okkur í dag enda öskudagurinn.  Nýtt fyrirkomulag var á þessu þetta árið og mættu krakkarnir í skólann í morgun og fylgdu þau eldri þeim yngri um bæinn ásamt kennurum.  Komu um 200 krakkar því til okkar í dag svo það var líf og fjör á skrifstofunni hjá okkur.

Lesa meira...

Nýtt skip bætist í flota Síldarvinnslunnar hf.

Börkur NK kemur til heimahafnar í morgunSíldarvinnslan hf. hefur fest kaup á nýju uppsjávarveiðiskipi sem hefur fengið nafnið Börkur NK-122.  Skipið var smíðað í Noregi árið 2000 og er búið öflugum kælibúnaði í 10 RSW tönkum.  Burðargeta skipsins er 1.850 tonn.  Skipstjórar á skipinu verða Sturla Þórðarson og Sigurbergur Hauksson, 8 stöður verða á skipinu og tveir menn um hverja stöðu.  Skipið mun koma í staðinn fyrir eldra skip félagsins með sama nafni en það hefur fengið nafnið Birtingur NK-124.  Allur aðbúnaður starfsmanna er mjög góður og verður hver maður með sér klefa.

Lesa meira...

Loðnufréttir

SVN

Loðnuveiði gekk ágætlega í gær en fá skip voru á miðunum blíðu veðri en veiðin er mun daufari á nóttunni heldur en á daginn.

Unnið var úr Beiti NK í frystihúsinu í gær en hann kom með um 1.600 tonn.

Hákon EA kom í gærkvöldi með um 700  tonn í frystingu og bræðslu og heldur hann aftur til veiða í dag.

Lesa meira...

Jólakveðja

Sólstafir yfir Síldarvinnslunni hf.Síldarvinnslan hf. óskar starfsfólki sínu, viðskiptavinum og landsmönnum öllum gleðilegra jóla og farsældar á komandi ári.

 

Þessa fallegu mynd tók Halldóra Auður Jónsdóttir af sólstöfum yfir vinnslusvæði Síldarvinnslunnar í Neskaupstað nú í haust.

Ný símanúmer í skipum Síldarvinnslunnar hf.

svn-logo.jpgNý símanúmer eru komin í skip Síldarvinnslunnar hf. frá og með deginum í dag.  Númerin eru á síðunni undir skipunum.

Síldarvinnslan hf. greiðir starfsmönnum í landi 300 þúsund króna launauppbót

Síldarvinnslan hf. greiðir starfsmönnum í landi 300 þúsund króna launauppbótÁgætu starfsmenn

Síldarvinnslan hf. hefur ákveðið að greiða út 300 þúsund króna launauppbót 15. desember.  Síldarvinnslan hf. hefur áður greitt starfsmönnum sínum 60 þúsund króna uppbót.  Þannig nemur uppbót umfram samninga 360 þúsund krónum á árinu.

Við erum búin að vinna úr 60 þúsund tonnum af fiski í uppsjávarfrystihúsi  okkar á árinu.  Við höfum tekið nánast alla síld og makríl til manneldisvinnslu í ár.  Um frystigeymslu okkar hafa farið 76 þúsund tonn af afurðum á árinu og til framleiðslu á fiskimjöli og lýsi hefur verið tekið á móti 154 þúsund tonnum af hráefni.

Starfsfólk Síldarvinnslan hf. getur verið stolt af þeim árangri sem náðst hefur við verðmætasköpun úr aflaheimildum okkar.  Við munum greiða ríkissjóði Íslands og sveitafélögum sem við störfum í 2.500.000.000 kr. á árinu 2011 með skattgreiðslum starfsmanna og fyrirtækisins.

Lesa meira...

Bræla á loðnumiðunum

Beitir NK á Ísafirði í gær.  Ljósm. Ágúst ÓlafssonLítill gangur hefur verið í loðnuveiðum undanfarna daga en leiðindaveður hefur verið á miðunum djúpt úti af Vestfjörðum.  Áhafnir Beitis NK og Barkar NK eru nú á Ísafirði en þeir lögðust þar að bryggju í gær og bíða eftir að veðrið lagist.  Þó veiðarnar hafi gengið illa hefur talsvert sést af loðnu og til dæmis varð áhöfnin á Árna Friðrikssyni var við álitlegar göngur norður af Hala í byrjun vikunnar.

Íslensku sjávarútvegsverðlaunin 2011

Íslensku sjávarútvegsverðlaunin 2011Íslensku sjávarútvegs-verðlaunin voru veitt í fimmta sinn í gærkvöld við hátíðlega athöfn. Alls voru veitt sautján verðlaun, en þau eru veitt þeim sem þykja hafa skarað framúr í fiskveiðum og sjávarútvegi bæði á Íslandi og erlendis. Verðlaunin eru veitt í tengslum við Íslensku sjávarútvegssýninguna sem nú stendur yfir.

Síldarvinnslan í Neskaupstað hlaut verðlaun fyrir framúrskarandi íslenska fiskvinnslu.

Sturla Þórðarson skipstjóri á Beiti NK 123 hlaut verðlaun fyrir að vera framúrskarandi íslenskur skipstjóri.

Lesa meira...

Makrílveiðar ganga vel

MakrílvinnslaSamfelld makríl- og síldarvinnsla hefur verið í fiskiðjuveri Síldarvinnslunnar síðan í byrjun júní.  Unnið er á 12 tíma vöktum allan sólarhringinn.  Makríllinn er hausskorinn eða heilfrystur sendur til Afríku og Austur-Evrópu.  Krakkarnir sem eru í sumarvinnu eru hæstánægðir með þetta uppgrip.  Þrír bátar eru að veiðum, Börkur NK, Beitir NK og Bjarni Ólafsson AK og koma þeir með daglega um 350-400 tonn.  Togarinn Bjartur NK mátti taka 3 túra og gekk það eins og í sögu og komu þeir með góðan markíl.

Aðalfundur Síldarvinnslunnar hf.

SVNAðalfundur Síldarvinnslunnar hf. verður haldinn í dag, föstudaginn 1. júlí kl. 14:00 á Hótel Eddu, Neskaupstað.

Dagskrá fundarins:


1.  Skýrsla stjórnar
2.  Endurskoðaðir reikningar lagðir fram til staðfestingar
3.  Tekin ákvörðum um greiðslu arðs
4.  Ákveðin þóknun til stjórnar félagsins
5.  Kosin stjórn félagsins
6.  Kosnir endurskoðendur
7.  Önnur mál, löglega fram borin

Stjórn Síldarvinnslunnar hf.

Starfsmannahátið Síldarvinnslunnar hf.

Séð yfir salinnStarfsmannahátíð Síldarvinnslunnar hf. var haldin föstudaginn 3. júni í íþróttahúsinu í Neskaupstað.  Alls voru tæplega 400 manns, bæði starfsfólk og makar svo og aðrir gestir.  Hátíðin tókst vel en Bautinn á Akureyri sá um matinn og að gera íþróttahúsið að glæsilegum veitingastað.

Lesa meira...

Karnival hjá Nesskóla

Allir litir regnbogansÁrlegur karnivaldagur Nesskóla var í gær og gengu krakkarnir um bæinn í öllum regnboganslitum, börðu á trommur og sungu. Krakkarnir komu við hér hjá okkur í Síldarvinnslunni hf. og sungu og fengu að launum ís og Síldarvinnslu-buff. 
Takk fyrir okkur og gleðilegt sumar.

Lesa meira...

Póstþjónninn liggur niðri

Póstþjónninn liggur niðriÞví miður kom upp bilun í póstþjóni Síldarvinnslunnar hf. í morgun og liggja því öll tölvupóstssamskipti niðri eins og er.  Unnið er að viðgerð.

Skrifstofa SVN

Skrifstofa SVNNú er búið að gera gagngerar endurbætur á skrifstofuhúsnæði Síldarvinnslunnar og starfsfólkið því komið til starfa á sinn hefðbundna stað.  Endurbæturnar tóku aðeins lengri tíma en áætlað var en hafðist.

Undirflokkar