Löngum ferli ekki alveg lokið

Gullver NS að veiðum. Ljósm.Þorgeir BaldurssonGullver NS að veiðum. Ljósm.Þorgeir BaldurssonÍsfisktogarinn Gullver NS kom til hafnar á Seyðsifirði í gærmorgun að lokinni vel heppnaðri veiðiferð. Aflinn var 107 tonn, að mestu ufsi og þorskur. Veitt var á hefðbundnum miðum skipsins; ufsinn fékkst í Berufjarðarál en þorskurinn á Fætinum og í Litla dýpi. Stýrimaður á Gullver í þessari veiðiferð var Jónas Jónsson. Jónas lét af störfum sem fastur skipstjóri á Gullver um síðustu áramót en hefur farið þrjár veiðiferðir sem stýrimaður í afleysingum á þessu ári. Heimasíðan tók Jónas tali og spurði hann fyrst um upphaf sjómannsferilsins. „Ég fór fyrst á sjóinn 15 ára gamall árið 1971. Þá réðst ég á þáverandi Gullver, sem var austur-þýskur síldarbátur 264 tonn að stærð. Þarna um sumarið vorum við á fiskitrolli enda síldarævintýrinu lokið fyrir nokkru. Þessi bátur hentaði engan veginn til trollveiða en það var hins vegar gott að kynnast því hvernig þessar veiðar fóru fram á svona bátum. Eftir þetta má segja að ég hafi verið á sjónum ef undan eru skildir fimm vetur í skóla, þar af þrír í Stýrimannaskólanum. Ég var um tíma á skólaárunum á togaranum Ottó Wathne frá Seyðisfirði og eins á Rauðanúp frá Raufarhöfn,“ segir Jónas.
 
Að loknu námi í Stýrimannaskólanum hélt Jónas heim til Seyðisfjarðar. „Fyrst réðst ég sem stýrimaður á togarann Gullberg en þegar núverandi Gullver kom nýr árið 1983 fór ég á hann og þar um borð var ég í föstu starfi til síðustu áramóta eða í 34 ár og hálfu betur. Fyrst var ég annar stýrimaður og leysti af sem fyrsti. Árið 1989 fór hinsvegar faðir minn, Jón  Kristinn Pálsson, í land eftir langan feril og þá varð ég fyrsti stýrimaður og skipstjóri á móti Axel Ágústssyni. Faðir minn hafði verið skipstjóri á Seyðisfirði frá 1959 en þá réðst hann á Gullver sem var í eigu Ólafs Marels Ólafssonar. Árið 1963 stofnuðu hann og Ólafur hlutafélag um útgerðina sem hlaut nafnið Gullberg og þetta félag eignaðist nokkur skip en það síðasta var einmitt ísfisktogarinn Gullver sem hefur svo sannarlega staðið fyrir sínu.“
 
Jónas Jónsson. Ljósm. Ómar BogasonJónas Jónsson. Ljósm. Ómar BogasonÞegar Jónas er spurður hvað hafi helst breyst á þeim tíma sem hann  starfaði sem skipstjóri segir hann að það sé án efa tilkoma allra þeirra nema sem komnir eru á trollið. „Nú er unnt að fylgjast með veiðarfærinu og veiðinni af allmikilli nákvæmni. Það er ótrúleg framför sem felst í því. Í reyndinni má segja að þetta sé byltingarkennd breyting.“ 
 
Spurður að því hvort hann sakni ekki einhvers af sjónum er hann fljótur að svara. „Jú, jú, ég sakna ýmissa þátta, en þetta var orðið gott. Það var kominn tími til að breyta til, vera frjáls og ráða sér sjálfur. Ég hef hins vegar farið í þrjá afleysingatúra frá því ég hætti þannig að segja má að löngum ferli sé ekki alveg lokið. Og ég fer líka í næsta túr. Ég játa það hins vegar að það er ólíkt skemmtilegra að taka þessa túra í góðu veðri yfir sumartímann en í vetrarbrælunum,“ segir Jónas að lokum.
 

Góður afli á stuttum tíma

Síld landað úr Berki NK í morgun. Ljósm. Helgi Freyr ÓlasonSíld landað úr Berki NK í morgun.
Ljósm. Helgi Freyr Ólason
Börkur NK kom til Neskaupstaðar með síldarafla í fyrrinótt. Það hófst strax vinnsla á aflanum í fiskiðjuverinu og gert er ráð fyrir að henni ljúki í kvöld. Þegar lokið verður við að vinna síldina hefst vinnsla á grálúðu og síðan fær starfsfólkið í fiskiðjuverinu helgarfrí. Hjörvar Hjálmarsson, skipstjóri á Berki, segir að veiðiferðin hafi gengið vel. „Við vorum að veiðum norðaustast í færeysku lögsögunni um 350 mílur frá Norðfirði. Aflinn, sem er um 1.500 tonn, fékkst í fjórum holum á 26 klukkustundum. Við vorum heppnir og hittum afar vel á þetta,“ segir Hjörvar.
 
Síldveiðiskipin þrjú sem landa afla í fiskiðjuverið eru öll í höfn þessa stundina en Bjarni Ólafsson AK mun halda til síldveiða í dag og er þess vænst að hann verði kominn til löndunar á mánudag. Beitir NK mun síðan halda til veiða annað kvöld.

Annasamir dagar hjá starfsmönnum frystigeymslanna

Eitt kemur þá annað fer. Flutningaskip sem hafði lestað 4.500 tonn af frystum afurðum sigldi út Norðfjörð í gær og mætti skipi sem komið var til að lesta 2.000 tonn. Ljósm. Hákon ErnusonEitt kemur þá annað fer. Flutningaskip sem hafði
lestað 4.500 tonn af frystum afurðum sigldi
út Norðfjörð í gær og mætti skipi sem komið
var til að lesta 2.000 tonn. Ljósm. Hákon Ernuson
Það eru miklar annir hjá starfsmönnum frystigeymsla Síldarvinnslunnar í Neskaupstað um þessar mundir. Flutningaskipin koma hvert af öðru til að lesta frystar afurðir í Norðfjarðarhöfn og eins fara tugir gáma í hverri viku um borð í skip á Reyðarfirði. Í gær var lokið við að skipa 4.500 tonnum af afurðum um borð í skip í Norðfjarðarhöfn og þegar það sigldi út Norðfjörð mætti það næsta skipi sem mun lesta 2.000 tonn.
 
Fyrir utan verkefnin sem tengjast útskipunum landa frystiskipin Vilhelm Þorsteinsson EA og Hákon EA reglulega síld í frystigeymslurnar þessa dagana ásamt því að geymslurnar taka á móti allri framleiðslu fiskiðjuvers Síldarvinnslunnar.
 
 
 
 

Nýliðin makrílvertíð frábrugðin síðustu vertíðum

Beitir NK og Bjarni Ólafsson AK að makrílveiðum í sumar  Ljósm. Helgi Freyr ÓlasonBeitir NK og Bjarni Ólafsson AK að makrílveiðum í sumar.
 Ljósm. Helgi Freyr Ólason
Á nýliðinni vertíð barst fyrsti makríllinn til Neskaupstaðar hinn 19. júlí þegar Vilhelm Þorsteinsson EA kom með 500 tonn af frystum afla til löndunar. Makrílvinnsla í fiskiðjuveri Síldarvinnslunnar hófst hins vegar ekki fyrr en 1. ágúst þegar Beitir NK kom úr sinni fyrstu veiðiferð á makrílvertíðinni.
 
Þessi vertíð hófst mun seinna en vertíðir síðustu ára og þurfti meira að hafa fyrir því að ná makrílaflanum. Þegar Vilhelm Þorsteinsson kom með fyrsta makrílinn til löndunar sagði Guðmundur Jónsson skipstjóri að makríllinn væri mun seinna á ferðinni en undanfarin ár enda væri sjórinn við landið heldur kaldari en hann hefði verið um þetta leyti árs síðustu árin. Í lok vertíðarinnar var Hjörvar Hjálmarsson, skipstjóri á Berki, spurður hvað hefði helst einkennt makrílvertíðina. Hann sagði að megineinkenni vertíðarinnar væru hve seint hún hefði hafist og að minna hefði verið af makríl við landið en undanfarin ár. Taldi hann víst að meginástæðan fyrir því hve lítið makríllinn dvaldi við landið væri sú að það hefði verið mun minna af átu en undanfarin ár. Það hafi vorað seint í sjónum á gönguleið makrílsins og því hefði átumyndun verið lítil. 
 
Veiðarnar þróuðust þannig þegar á leið að þær fóru að miklu leyti fram í Síldarsmugunni og veiðin var misjöfn frá einum tíma til annars. Stundum gekk vel að veiða en stundum þurfti að hafa fyrir því að leita að fiskinum sem gat verið tímafrekt.
 
Vertíðinni hjá skipunum sem lönduðu makríl í Neskaupstað lauk um síðastliðin mánaðamót en afli Síldarvinnsluskipanna var sem hér segir:
 
              Beitir NK                        6.644 tonn
              Börkur NK                     6.134 tonn
              Bjarni Ólafsson AK       3.983 tonn 
 
Þá landaði Vilhelm Þorsteinsson EA 4.500 tonnum af frystum makríl í frystigeymslur Síldarvinnslunnar á vertíðinni  og Hákon EA landaði um 3.500 tonnum.
 

Enn berst norsk-íslensk síld að landi

Beitir NK á landleið í brælunni. Ljósm. Helgi Freyr ÓlasonBeitir NK á landleið í brælunni.
Ljósm. Helgi Freyr Ólason
Enn veiða Síldarvinnsluskipin norsk-íslensku síldina. Beitir NK er á landleið með rúmlega 900 tonn og er væntanlegur fljótlega eftir hádegið. Tómas Kárason skipstjóri segir að aflinn hafi fengist í fjórum holum. „Við vorum að veiðum suðaustarlega í Smugunni um 340 mílur frá Norðfirði. Það gafst heldur lítill tími til veiða vegna veðurs. Það brældi og gerði í reynd arfavitlaust veður þannig að það var ekkert annað að gera en að halda í land,“ segir Tómas.
 
Börkur NK er nú að veiðum í færeysku lögsögunni.
 
Bjarni Ólafsson AK kom til Neskaupstaðar í nótt eftir að hafa verið í slipp á Akureyri. Runólfur Runólfsson skipstjóri segir að farið hafi fram svonefnd 20 ára skoðun á skipinu. „Vélin var tekin upp, skipið þykktarmælt, farið yfir rafkerfið og fleira. Síðan var skrokkurinn málaður og skipið er voða fínt núna,“ segir Runólfur.
 
Bjarni Ólafsson AK á siglingu á Akureyrarpolli í gær. Ljósm. Þorgeir BaldurssonBjarni Ólafsson AK á siglingu á Akureyrarpolli í gær.
Ljósm. Þorgeir Baldursson
Bjarni Ólafsson mun væntanlega halda til síldveiða.
 
 
 
 
 
 
 
 
 
 
 
 
 
 
 

Smíði á Vestmannaey og Bergey á áætlun

IMG 5174

Togskipin Vestmannaey og Bergey eru smíðuð í einingum og hér á myndinni sést ein þeirra. Ljósm.: Guðmundur Alfreðsson.

                Guðmundur Alfreðsson, viðhaldsstjóri, er nýlega kominn frá Noregi þar sem hann fylgist grannt með smíði nýrrar Vestmannaeyjar og Bergeyjar. Það er norska skipasmíðastöðin Vard sem annast smíðina en alls er verið að smíða sjö eins togara fyrir íslensk útgerðarfélög á vegum stöðvarinnar. Það er dótturfélag Síldarvinnslunnar, Bergur-Huginn, sem lætur smíða Vestmannaey og Bergey.

                Guðmundur segir að smíði skipanna gangi samkvæmt áætlun. Skipin eru smíðuð í einingum og fer smíði eininganna fram í Salthammer í Tesfjord en síðan eru þær dregnar á pramma til skipasmíðastöðvarinnar í Aukra þar sem þær eru settar saman. Allri vinnu við gerð skipanna verður síðan lokið í Aukra. Guðmundur segir að nú sé verið að vinna í vélarrúmseiningu Vestmannaeyjar í Salthammer en smíði þeirrar einingar er flóknust og tímafrekust. „Skipið er sett saman úr níu einingum og í næstu viku verður lokið við að smíða sjö þeirra í Salthammer. Þrjár þeirra eru komnar til Aukra og lokið við að setja þær saman. Fleiri einingar munu síðan koma til Aukra í næstu viku. Fyrir utan smíðina á Vestmannaey er byrjað að smíða einingar í Bergey. Þetta virðist allt ganga vel,“ segir Guðmundur.

                Samkvæmt núgildandi áætlun er gert ráð fyrir að skipasmíðastöðin afhendi Vestmanney í maímánuði 2019 og Bergey síðan um það bil mánuði síðar.

Beitir og Börkur með síldarfarma

Beitir NK með síldarhol á síðunni. Ljósm. Helgi Freyr ÓlasonBeitir NK með síldarhol á síðunni.
Ljósm. Helgi Freyr Ólason
Beitir NK kom til Neskaupstaðar í morgun með 1.180 tonn af norsk- íslenskri síld. Heimasíðan hafði samband við Sturlu Þórðarson skipstjóra og spurði hvar síldin hefði fengist. „Hún fékkst í færeyskum sjó um 180 mílur austur af Norðfjarðarhorni og 135 mílur norður af Færeyjum. Það var ekkert sérstök veiði á þessu svæði og við vorum tiltölulega heppnir. Hins vegar var meiri veiði töluvert austar. Þetta er ágæt síld til vinnslu sem við erum með,“ segir Sturla.
 
Þá lagði Börkur NK af stað af síldarmiðunum í morgun með 1.500 tonn og má reikna með að hann verði kominn til Neskaupstaðar um hádegisbil á morgun. Óli Hans Gestsson stýrimaður segir að veiðiferðin hafi gengið afar vel. „Við fengum aflann í fjórum holum á einum sólarhring. Tvo hol gáfu 450 tonn, eitt 350 og eitt um 250. Aflinn fékkst norðaustast í færeysku lögsögunni og það er eðalsíld sem er þarna á ferðinni,“ segir Óli Hans.

Blængur með góðan túr og síðan í slipp

Blængur NK í blíðunni í Norðfjarðarhöfn í morgun. Ljósm. Hákon ErnusonBlængur NK í blíðunni í Norðfjarðarhöfn í morgun. 
Ljósm. Hákon Ernuson
Frystitogarinn Blængur NK kom til Neskaupstaðar í gær að aflokinni 40 daga veiðiferð en hann millilandaði á Akureyri 27. september sl. Aflinn í veiðiferðinni var 900 tonn upp úr sjó eða 29.000 þúsund kassar. Aflaverðmætið er 225 milljónir króna. Hér er um að ræða stærsta túr Blængs á Íslandsmiðum en uppistaða aflans var ufsi og karfi. Theodór Haraldsson var skipstjóri fyrstu tíu daga veiðiferðarinnar en síðan tók Bjarni Ólafur Hjálmarsson við. Að sögn Bjarna Ólafs var jöfn og góð veiði allan tímann.
 
Að löndun lokinni mun Blængur halda til Akureyrar þar sem skipið fer í slipp. Áformað er að gera nokkrar breytingar á millidekki skipsins og eins  verður skipt um togspil. Gert er ráð fyrir að skipið verði í slipp í fjórar vikur.

Ný netagerð rís í Neskaupstað

Framkvæmdum við nýju netagerðina mun væntanlega ljúka í mars á næsta ári. Ljósm. Smári GeirssonFramkvæmdum við nýju netagerðina mun væntanlega
ljúka í mars á næsta ári. Ljósm. Smári Geirsson
 
Fjarðanet hf. sem er hluti af Hampiðjan Group er að byggja nýja netagerð í Neskaupstað. Nýja húsið rís á uppfyllingu austan við fiskimjölsverksmiðju Síldarvinnslunnar og tilkoma þess mun fela í sér afar jákvæða breytingu fyrir starfsemi og þjónustu Fjarðanets. Húsið er 85 metra langt og 26 metra breitt og tvær hæðir að hluta. Það er gefið upp 2.600 fermetrar að stærð. Húsið leysir af hólmi gamalt verkstæðishús sem reist var árið 1965. Jón Einar Nýja netagerðin er 2600 fermetrar að stærð. Ljósm. Smári GeirssonNýja netagerðin er 2600 fermetrar að stærð.
Ljósm. Smári Geirsson
Marteinsson framkvæmdastjóri segir að mikil þörf sé fyrir nýja húsið. „Skip og veiðarfæri hafa stækkað mikið á síðari árum og sú þróun kallar á stærri og betri aðstöðu. Eins leggur fyrirtækið áherslu á þróun nýrra og betri veiðarfæra og þeirri starfsemi verður sköpuð góð aðstaða í nýja húsinu. Samhliða veiðarfæraverkstæðinu verður hluti nýja hússins nýtt sem nótageymsla og unnt verður að geyma öll veiðarfæri innan dyra. Þetta er byltingarkennd breyting frá þeirri aðstöðu sem við höfum búið við. Til viðbótar sinnir Fjarðanet gúmmíbátaþjónustu og þjónustu við fiskeldisstöðvar,“ segir Jón Einar.
 
Gert er ráð fyrir að framkvæmdum við nýju netagerðina muni ljúka í marsmánuði á næsta ári.
 
 
 

Átta tillögur að minningareit

Svæðið sem fyrirhugaður minningareitur verður gerður á. Ljósm. Smári GeirssonSvæðið sem fyrirhugaður minningareitur
verður gerður á. Ljósm. Smári Geirsson
Í júlímánuði sl. tilkynnti Síldarvinnslan að fyrirhugað væri að gera minningareit á austasta hluta gömlu fiskimjölsverksmiðjunnar sem eyðilagðist í snjóflóði 20. desember 1974. Skyldi reiturinn helgaður þeim sem farist hafa í störfum hjá fyrirtækinu. Tekið var fram að ætlast væri til að gamli gufuketillinn sem stendur á grunninum yrði hluti reitsins.
 
Auglýst var samkeppni um útfærslu á minningareitnum og var öllum gefinn kostur á að setja fram hugmyndir. Skilafrestur á tillögum var  til 1. október sl. Nú liggur fyrir að átta tillögur bárust og verða þær metnar af sérstakri dómnefnd. Í dómnefndinni sitja Guðný Bjarkadóttir skrifstofustjóri Síldarvinnslunnar, Björk Þórarinsdóttir stjórnarmaður í Síldarvinnslunni og Anna Berg Samúelsdóttir umhverfisstjóri Fjarðabyggðar. Gert er ráð fyrir að nefndin hefji störf síðar í þessum mánuði og ljúki störfum 20. nóvember nk.
 
Veitt verða verðlaun að upphæð 600.000 kr. fyrir vinningstillöguna en þegar samkeppnin var auglýst var tekið fram að Síldarvinnslan áskildi sér rétt til að hafna öllum tillögum. Þá var einnig tekið fram að gert væri ráð fyrir að arkitekta- eða verkfræðistofa fullynni þá tillögu sem fyrir valinu yrði. Eins var tíundað að heimilt væri að nýta fleiri en eina tillögu til frekari útfærslu og skiptist þá verðlaunaféð á milli viðkomandi þátttakenda.

Tæknidagurinn var frábær

Ánægðir gestir á sýningarsvæði Síldarvinnslunnar. Ljósm. Smári GeirssonÁnægðir gestir á sýningarsvæði Síldarvinnslunnar.
Ljósm. Smári Geirsson
 
Tæknidagur fjölskyldunnar var haldinn í Verkmenntaskóla Austurlands í Neskaupstað sl. laugardag. Dagurinn var mjög fjölsóttur og komu gestir víða að af Austurlandi. Fjölmörg fyrirtæki, félagasamtök og stofnanir kynntu starfsemi sína á deginum og eins var starfsemi Verkmenntaskólans kynnt. Á deginum vígði t.d. menntamálaráðherra nýja suðuaðstöðu í málmdeild skólans. Eins var boðið upp á ýmislegt forvitnilegt fyrir ungu kynslóðina og má þar nefna að unnt var að upplifa himingeiminn og fylgjast með vélmennum keppa. Þá ber að nefna að gestum gafst kostur á að gæða sér á sælgæti úr hafinu og voru síldarréttir þar helst á dagskrá.
 
Mikill fjöldi gesta heimsótti sýningu Síldarvinnslunnar á Tæknideginum. Ljósm. Smári GeirssonMikill fjöldi gesta heimsótti sýningu
Síldarvinnslunnar á Tæknideginum.
Ljósm. Smári Geirsson
Síldarvinnslan var að sjálfsögðu með sýningarsvæði á deginum og var lögð áhersla á að fræða gesti um starfsemi fyrirtækisins bæði á sjó og landi. Sýningarsvæði Síldarvinnslunnar var fjölsótt og kom fram í spjalli við gestina að þeim þótti Tæknidagurinn frábær og fannst hann lofsvert framtak hjá Verkmenntaskólanum og Austurbrú. 
 
Tæknidagur fjölskyldunnar virðist vera búinn að festa sig rækilega í sessi og fer gestum dagsins fjölgandi frá ári til árs. Mjög vel er að deginum staðið og geta allir aflað sér mikillar þekkingar á austfirku samfélagi með því að sækja hann.
 
 
 
 

Áfram hörkusíldveiði

Beitir NK er á landleið með 1530 tonn af síld. Ljósm. Helgi Freyr ÓlasonBeitir NK er á landleið
með 1530 tonn af síld.
 Ljósm. Helgi Freyr Ólason
Þessar vikurnar er yfirleitt góð síldveiði út af Austfjörðum og gjarnan er það einungis slæmt veður sem truflar veiðarnar. Bjarni Ólafsson AK kom með 930 tonn sem unnin voru í fiskiðjuveri Síldarvinnslunnar fyrir helgi en nú er skipið farið til Akureyrar í slipp þar sem það verður næstu tvær vikurnar eða svo. Börkur NK kom síðan með 1.400 tonn á sunnudagsmorgun og er verið að vinna þann afla. 
 
Beitir NK er á landleið með 1.530 tonn og Sigurður Valgeir Jóhannesson stýrimaður segir að vel hafi gengið að veiða. „Við fengum aflann í fimm holum og það er stutt dregið. Minnst fengum við 170 tonn í holi en í morgun fengum við 480 tonn úr glæsilegri torfu sem við römbuðum á. Við vorum að veiða um það bil 130 mílur austur af landinu og reiknum með að koma til Neskaupstaðar í nótt. Það er bræla á móti og við förum rólega svo vel fari um aflann í kælitönkunum. Síldin sem við fáum hér er afskaplega falleg og stór, sannkölluð demantssíld. Það geta margir öfundað okkur að fá að veiða svona síld,“ segir Sigurður. 
 
 
 

Síldarveisla – austfirskt hráefni í öndvegi

Veisluborðið í Randulffs-sjóhúsi í gærkvöldi var girnilegt.Veisluborðið í Randulffs-sjóhúsi
í gærkvöldi var girnilegt
.
 
Í gærkvöldi var boðið upp á síldarveislu í Randulffs-sjóhúsi á Eskifirði. Þar voru á boðstólum um 20 girnilegir síldarréttir. Það er Tinna Rut Ólafsdóttir smurbrauðsjómfrú í Neskaupstað sem hefur veg og vanda að veislunni en sænkur matreislumaður, Peter Bengtson, leggur einnig sitt af mörkum. Peter dvelur í Neskaupstað um þessar mundir á vegum MatAttack verkefnisins, en MatAttack tengist ArtAttack verkefninu sem hófst með áberandi hætti í fyrra.
 
Peter Bengtson og Tinna Rut Ólafsdóttir. Ljósm. Smári GeirssonPeter Bengtson og Tinna Rut Ólafsdóttir.
Ljósm. Smári Geirsson
Heimasíðan ræddi við Tinnu Rut fyrir veisluna í gær, en Tinna er menntuð smurbrauðsjómfrú frá Danmörku og heillaði gesti Hótels Eddu í Neskaupstað á nýliðnu sumri með einstaklega girnilegu  smurbrauði. Tinna lærði í Danmörku og var Ida Danielsen lærimeistari hennar en segja má að Ida sé toppurinn í smurbrauðsbransanum. Tinna segist hafa kynnst því í Danmörku hvað síld sé frábær matur. „Það er hægt að gera svo ótrúlega margt með síld og Íslendingar virðast aldrei hafa verið duglegir að matreiða hana. Til dæmis í Danmörku og Svíþjóð þykir síld algjör herramannsmatur og þar er hún matreidd með fjölbreyttum hætti. Ég vil kynna fyrir Austfirðingum síldarrétti sem eru þekktir annars staðar á Norðurlöndum og ég vil nota í réttina austfirskt hráefni í eins ríkum mæli og mögulegt er. Ég fæ mikið af hráefni frá Síldarvinnslunni og einnig frá Loðnuvinnslunni og Eskju. Allt brauð kemur frá Sesam bakaríi á Reyðarfirði og boðið er upp á síld sem steikt er úr byggi frá Vallanesi. Þá er bjórinn sem boðið er upp á frá Beljanda brugghúsi. Allt hráefni sem ég nota er frábært og mér finnst að Austfirðingar þurfi að kynnast því hvernig unnt er að matreiða úr því. Þá vil ég leggja áherslu á að Randulffs-sjóhús leggur til alla aðstöðu og gerir þetta framkvæmanlegt.
 
Peter Bengtson er sænskur matreiðslumaður sem er að starfa hjá Hótel Hildibrand í Neskaupstað í tengslum við MatAttack verkefnið og það lá beint við að hann tæki þátt í þessari síldarveislu.
 
Við ætlum að bjóða upp á síldarrétti á Tæknidegi fjölskyldunnar í  Verkmenntaskóla Austurlands í Neskaupstað á morgun. Ég vona að fólk sleppi ekki tækifærinu sem þar gefst til að kynnast fjölbreyttum og frábærum síldarréttum,“ segir Tinna Rut.
 
Síldarveislan í Randulffs-sjóhúsi í gærkvöldi þótti takast frábærlega. Fjöldi fólks lagði leið sína í veisluna og kvaddi satt og ánægt. Margir höfðu orð á því að það væri hreint ótrúlegt hvað unnt væri að gera úr síldinni.
 
 Síldarveisla – austfirskt hráefni í öndvegi      Síldarveisla – austfirskt hráefni í öndvegi                            
 

Síldarvinnslan með hæst gjöld sjávarútvegsfyrirtækja

Síldarvinnslan með hæst gjöld sjávarútvegsfyrirtækjaSíldarvinnslan greiddi hæst opinber gjöld sjávarútvegsfyrirtækja á síðasta ári. Ríkisskattstjóraembættið hefur nýlega sent frá sér lista yfir þau fjörutíu fyrirtæki og stofnanir sem greiddu hæstu opinberu gjöldin á árinu. Síldarvinnslan er þar í 17. sæti og hæst sjávarútvegsfyrirtækja. Ef bankar og opinber fyrirtæki á listanum eru undanskilin er Síldarvinnslan í 5. sæti. Fram kemur á listanum að Síldarvinnslan greiddi 718.157.808 kr. í tekjuskatt og tryggingagjald á árinu 2017.
 
Ef tekið er tillit til veiðigjalda færist Síldarvinnslan enn ofar á lista yfir þau fyrirtæki sem greiða hæst opinber gjöld. Alls greiddi Síldarvinnslan veiðigjöld upp á 530 milljónir á síðasta ári þannig að fyrirtækið greiddi alls rúmlega 1.248 milljónir í skatta og veiðigjöld á árinu 2017.

Mokveiði í síldinni fyrir austan

Beitir NK fékk rúmlega 1.200 tonn af síld á 16 klukkutímum. Ljósm. Helgi Freyr Ólason.Beitir NK fékk rúmlega 1.200 tonn af síld á
16 klukkutímum. Ljósm. Helgi Freyr Ólason.
Um nýliðna helgi var vinnsluhlé í fiskiðjuveri Síldarvinnslunnar í Neskaupstað. Vinnsla hófst á ný í gærmorgun en þá var Börkur NK  kominn með 1.340 tonn af fallegri síld. Vel hefur gengið að vinna aflann úr Berki, en hann er bæði flakaður og heilfrystur.
 
Klukkan fjögur á sunnudag hélt Beitir NK til síldveiða og kom hann inn snemma í morgun með 1.225 tonn. Tómas Kárason skipstjóri á Beiti segir að það hafi verið mokveiði. „Við fengum aflann í þremur stuttum holum. Stærsta holið var 690 tonn og þá var dregið í tvo og hálfan tíma. Aflinn fékkst austur og norðaustur úr svonefndum Hornfláka, eða um það bil 35 sjómílur frá Norðfjarðarhorni. Þarna var mjög mikið að sjá og lóðningarnar voru rosalega flottar. Veiðin var náttúrulega frábær því aflann fengum við á sextán klukkutímum. Byrjuðum að veiða um klukkan níu á sunnudagskvöld og vorum hættir veiðum um hádegi í gær. Það er vart hægt að hugsa sér það mikið betra. Mönnum hlýtur að lítast vel á framhald þessara veiða, það er ekki hægt annað,“ segir Tómas.

Síldarvinnslan Fyrirmyndarfyrirtæki í rekstri

Síldarvinnslan Fyrirmyndarfyrirtæki í rekstriSíldarvinnslan er Fyrirmyndarfyrirtæki í rekstri 2018 samkvæmt mati Viðskiptablaðsins og Keldunnar. Listi yfir Fyrirmyndarfyrirtækin 2018 var birtur í Viðskiptablaðinu 27. september sl. en 3% íslenskra fyrirtækja komast á listann. Forsendurnar sem byggt er á við matið eru eftirtaldar:
 
  • Rekstrarárið 2017 er lagt til grundvallar en einnig er tekið tillit til reksturs á árinu 2016.
  • Afkoma þarf að hafa verið jákvæð.
  • Tekjur þurfa að hafa verið umfram 30 milljónir kr.
  • Eignir þurfa að hafa verið yfir 80 milljónir kr.
  • Eiginfjárhlutfall þarf að hafa verið umfram 20%.
  • Aðrir þættir eru metnir af Viðskiptablaðinu og Keldunni. Er þar t.d. tekið tillit til skila á ársreikningi og rekstrarforms.
 
Samkvæmt úttekt Viðskiptablaðsins og Keldunnar er Síldarvinnslan í 18. sæti í flokki stórra fyrirtækja þegar framangreindar forsendur eru metnar.  Þar kemur til dæmis fram að tekjur fyrirtækisins á árinu 2017 voru rúmlega 23 milljarðar og eignir rúmlega 51,5 milljarður. Eiginfjárhlutfallið var 64%.

Tæknidagur fjölskyldunnar

Frá sýningarsvæði Síldarvinnslunnar á Tæknidegi fjölskyldunnar 2016. Ljósm: Smári GeirssonFrá sýningarsvæði Síldarvinnslunnar á Tæknidegi
fjölskyldunnar 2017. Ljósm: Smári Geirsson
Tæknidagur fjölskyldunnar verður haldinn í Verkmenntaskóla Austurlands í sjötta sinn nk. laugardag. Það eru Verkmenntaskólinn og Austurbrú sem standa fyrir deginum og eins og venjulega hefur verið vandað til alls undirbúnings. Aðgangur er ókeypis og hefst dagskráin kl. 12 og lýkur kl. 16.
 
Samkvæmt venju er boðið upp á fjölbreytta dagskrá á tæknideginum og lögð áhersla á að höfða til allra aldurshópa. Fjöldi fyrirtækja og stofnana munu kynna starfsemi sína og eins munu gestir geta aflað sér upplýsinga um tækninýjungar af ýmsum toga. Þá verður fjölbreytt námsframboð Verkmenntaskólans kynnt og gestir munu geta séð þann kennslubúnað sem skólinn hefur upp á að bjóða. Á deginum munu gestir t.d. geta upplifað himingeiminn og fylgst með vélmennum keppa svo eitthvað sé nefnt. Dagskráin er svo sannarlega forvitnileg.
 
Að sjálfsögðu mun Síldarvinnslan taka fullan þátt í tæknideginum eins og áður. Starfsemi fyrirtækisins verður kynnt og þá verður gestum boðið að smakka ýmsar framleiðsluvörur. Hjá starfsmönnum Síldarvinnslunnar er tæknidagurinn ávallt tilhlökkunarefni. Dagurinn hefur verið afar fjölsóttur og rétt eins og áður má gera ráð fyrir því að margir leggi leið sína í Verkmenntaskólann nk. laugardag.

Annir í frystigeymslunum

Norðfjarðarhöfn í morgun. Vilhelm Þorsteinsson EA heldur til veiða að lokinni löndun. Fjærst er Hákon EA að landa frystum makríl. Börkur NK er að landa síld til frystingar. Ljósm. Smári GeirssonNorðfjarðarhöfn í morgun. Vilhelm Þorsteinsson EA
heldur til veiða að lokinni löndun. Fjærst er
Hákon EA að landa frystum makríl. Börkur NK
er að landa síld til frystingar. Ljósm. Smári Geirsson
Það hefur verið nóg að gera hjá starfsmönnum frystigeymsla Síldarvinnslunnar í Neskaupstað að undanförnu. Á makrílvertíðinni hafa frystigeymslurnar tekið á móti um 20.000 tonnum og kemur makríllinn frá fiskiðjuveri Síldarvinnslunnar og frystiskipunum Vilhelm Þorsteinssyni EA og Hákoni EA. Tekið hefur verið á móti um 4.500 tonnum frá Vilhelm og um 3.500 tonnum frá Hákoni. Þá hefur einnig verið unnin grálúða í fiskiðjuverinu og eins hefur gengið vel að frysta þar norsk-íslenska síld frá því að veiðar á henni hófust.
 
Nú hefur Vilhelm Þorsteinsson hafið síldveiðar og landaði 580 tonnum af síldarflökum í gær en í dag er Hákon að landa rúmlega 500 tonnum af makríl.
 
Heimir Ásgeirsson, verkstjóri í frystigeymslunum, segir að miklar annir hafi verið hjá starfsmönnum frystigeymslanna síðustu mánuði. „Við erum að senda frá okkur 500-600 tonn í gámum í hverri einustu viku en gámarnir fara í skip á Reyðarfirði. Þá koma flutningaskip nokkuð reglulega og lesta frystar afurðir. Það er til dæmis væntanlegt skip í þessari viku sem mun taka um 2.500 tonn af síld og makríl hjá okkur,“ segir Heimir.
 

Blængur millilandar

Blængur NK. Ljósm. Theodór HaraldssonBlængur NK. Ljósm. Theodór HaraldssonFrystitogarinn Blængur NK millilandaði á Akureyri í gær. Hann mun halda til veiða á ný í dag. Heimasíðan sló á þráðinn til Bjarna Ólafs Hjálmarssonar skipstjóra og spurði hann hvernig túrinn hefði gengið. „Það má segja að túrinn hafi gengið vel til þessa. Við byrjuðum að veiða fyrir austan en færðum okkur síðan á suðvesturmið og Vestfjarðamið. Aflinn hefur verið góður allan tímann. Í gær fóru í land um 16.000 kassar eða um 500 tonn og uppistaða aflans var ufsi og karfi. Við  eigum eftir rúmlega hálfan mánuð af þessari veiðiferð þannig að hún mun taka 40 daga í heildina. Að loknum túrnum mun síðan skipið fara í slipp,“ segir Bjarni Ólafur.

 

 

 

Nýtingin er afar góð

Öll síldin er flökuð og fryst. Ljósm. Hákon ErnusonStærsta hol Beitis NK í veiðiferðinni  var 460 tonn. 
Ljósm. Helgi Freyr Ólason

Vinnsla á norsk-íslensku síldinni gengur mjög vel í fiskiðjuveri Síldarvinnslunnar í Neskaupstað. Síldin er stór og nýtingin eins og best verður á kosið. Unnin eru á milli 700-800 tonn á sólarhring, en öll síldin er flökuð og ýmist fryst með hefðbundnum hætti eða vakúmpökkuð. Síðustu dagana hefur vinnslan verið samfelld en framundan er helgarfrí.
 

Stærsta hol Beitis NK í veiðiferðinni var 460 tonn. Ljósm. Helgi Freyr ÓlasonÖll síldin er flökuð og fryst.
Ljósm. Hákon Ernuson

Nú er verið að vinna síld sem Beitir NK kom með sl. nótt. Aflinn er 1.340 tonn og fékkst norðan við á Glettinganesflak. Tómas Kárason skipstjóri segir að vel hafi gengið að veiða. „Við fengum aflann í fjórum holum og það var stutt dregið, eða í tvo til fjóra tíma. Stærsta holið var um 460 tonn. Þessi síld er góð  og það er talsvert mikið að sjá af henni. Á daginn eru stórar torfur niðri og á næturnar koma þær upp. Sú síld sem við fylgdumst með virtist þokast í norður eða norðvestur. Það er ekki hægt annað en lítast vel á áframhaldandi veiði og það er ánægjulegt að sjá hve mikið af norsk-íslenskri síld er inni lögsögunni og skammt frá landi, en þegar við hættum veiðum vorum við um 45 mílur frá Norðfirði,“ segir Tómas.
 
 
 
 
 
 
 
 
 

Undirflokkar