Gott ár að baki á sviði veiða og vinnslu

Frá athafnasvæði Síldarvinnslunnar í Neskaupstað


Árið 2012 var umsvifamikið hjá Síldar-vinnslunni.  Veiðar gengu vel og vinnsla einnig.  Hér verður gefið stutt yfirlit um öflun og
móttöku hráefnis á árinu ásamt magni afurða.



Alls veiddu uppsjávarskip fyrirtækisins tæplega 139 þúsund
tonn á árinu.  Mest var veitt af loðnu en
eins komu þau með síld, makríl og kolmunna að landi.  Heildarafli Beitis NK var rúmlega 59.500
tonn, Barkar NK 45.200 tonn og Birtings NK 34.200 tonn.

Ísfisktogarinn Bjartur NK aflaði rúm 3.750 tonn á árinu og frystitogarinn Barði
NK 3.800 tonn.

Loðnuveiðar og vinnsla ganga vel

Börkur NK kom inn í morgun með um 1.350 tonn og er stefna að því að vinna 1.000 tonn af því til manneldis.

Beitir NK er að veiðum.

Vilhelm EA kemur um hádegi með um 1.000 tonn í bræðslu auk frystra afurða.

Bjarni Ólafsson AK kom í gær með um 750 tonn og eru að landa bæði í vinnslu og bræðslu

Óvenju stór og góð loðna

Stærðarmælingar á loðnuFrysting á Austur-Evrópu hefur gengið vel í fiskiðjuveri Síldarvinnslunnar það sem af er vertíð.  Loðnan sem


 veiðist er óvenju stór og góð og hefur aldrei hærra hlutfall aflans farið í stærsta og verðmætasta stærðarflokk.

Góður gangur í loðnuveiðum


Beitir NK er að landa um 1.050 tonnum og þar af um 450 tonnum í vinnslu
eftir rúman sólarhring á veiðum.

Börkur NK kom á laugardaginn með um 1.600 tonn og héldu þeir aftur til veiða í morgun.



Bjartur NK landar um 75 tonnum á morgun og er uppistaða aflans þorskur og ufsi, hann heldur aftur til veiða á föstudag.

Afköst fiskiðjuversins í Neskaupstað aukin - 500 tonna múrinn rofinn

Loðna


Að undanförnu hefur verið unnið að umbótum á frystibúnaði
fiskiðjuversins í Neskaupstað með það að markmiði að auka afkastagetu þess.



Breytingar hafa verið gerðar á frystipressum og búnaði
tengdum þeim og hafa þær leitt til betri nýtingar á frystitækjum, m.a. þremur frystiskápum
sem sérstaklega var komið upp til að frysta stærsta og verðmætasta makrílinn.



Á síðustu loðnuvertíð námu hámarks sólarhringsafköst
fiskiðjuversins 440 tonnum en markmiðið með breytingunum var að auka afköstin
þannig að þau færu yfir 500 tonn.

Rafvæðingu fiskimjölsverksmiðjunnar í Neskaupstað lokið

Rafvæðing fiskimjölsverksmiðjuFramkvæmdum við rafvæðingu fiskimjölsverksmiðju Síldarvinnslunnar í Neskaupstað lauk um síðustu helgi. Laugardaginn 12. janúar var allur rafvæðingarbúnaðurinn gangsettur og markar því sá dagur ákveðin tímamót í sögu verksmiðjunnar.


Framkvæmdir við rafvæðinguna hófust fyrir rúmu ári en þær fólu í sér eftirfarandi: Í fyrsta lagi voru þurrkarar verksmiðjunnar rafvæddir, komið upp háspennubúnaði, spennum, rofum og öðrum tilheyrandi rafbúnaði.  Í öðru lagi þurfti að ráðast í byggingaframkvæmdir eins og hækkun á þurrkarahúsi og byggingu rofahúss, spennistöðvar og töfluherbergis. Í þriðja lagi var síðan settur upp 34 metra hár skorsteinn og nýr lykteyðingarbúnaður.