Misleading and false news about Síldarvinnslan

logo

On November 15th a story was published in Fréttablaðið daily newspaper in Iceland that Gunnþór Ingvason, the CEO of Síldarvinnslan, had requested instructions from Samherji on April 30, 2014 on how to deceive Greenlanders in order to acquire fishing permits and quotas. The article is completely wrong and it is in fact remarkable how the journalist who wrote the story could draw these conclusions from the e-mails quoted.

Síldarvinnslan has had a successful collaboration with the Greenlanders since 2003 in a fishing company which is a joint venture. In 2012, Greenland's largest fisheries company, Polar Seafood, acquired the majority of the company, which was then named Polar Pelagic, with Síldarvinnslan owning 30 percent of the shares. The Board of Director of Polar Seafood have always been responsible with communicating with the authorities in Greenland. Polar Seafood's chairman is Henrik Leth, who has long been one of the leaders in the Greenlandic fisheries industry.

 In 2014, Henrik Leth contacted Gunnþór Ingvason and told him that in Greenland it was widely discussed that someone planned to set up a fishmeal and pelagic processing plant in Ammasalik on the east coast of the country. Henrik considered these plans very unrealistic and thought that they were being put forward with a view to obtaining a quota from the government of Greenland. To find out more about technical issues and constructions costs, he contacted Gunnþór Ingvason. Gunnþór knew that Samherji had recently made plans for such a structure in Morocco. He e-mailed employees at Samherji asking for this information, even though it was relevant to the development in Africa. After sending this e-mail he made no further enquires about the matter.

Henrik Leth says the following about this: “I contacted Gunnþór for information simply because Síldarvinnslan has a great deal of experience and knowledge of the construction and operation of pelagic processing plants. I could never have imagined that such a negative news story could be made about a favour he made to me, a colleague. This is a sad example of poor and dishonest journalism.”

As explained above it can be clear that Gunnþór Ingvason's words in the email were distorted and taken out of context in the news story. Síldarvinnslan regrets this factually wrong and harmful story and hopes it will be corrected as soon as possible.

Villandi og rangur fréttaflutningur

Villandi og rangur fréttaflutningurÍ morgun birtist frétt um að Gunnþór Ingvason framkvæmdastjóri Síldarvinnslunnar hefði óskað eftir leiðbeiningum frá Samherja hinn 30. apríl árið 2014 varðandi það hvernig blekkja mætti Grænlendinga til að komast yfir veiðiheimildir og kvóta. Þessi frétt er algjörlega röng og í reyndinni merkilegt hvernig blaðamaður getur lesið þetta út úr þeim tölvupósti sem vitnað er til.
 
Síldarvinnslan hf. hefur átt í farsælu samstarfi við Grænlendinga frá árinu 2003 við rekstur útgerðarfyrirtækis. Árið 2012 festi stærsta sjávarútvegsfyrirtæki Grænlands, Polar Seafood, kaup á meirihlutanum í útgerðarfyrirtækinu sem þá fékk nafnið Polar Pelagic, en Síldarvinnslan á þriðjungs hlut í því. Stjórn Polar Seafood hefur alla tíð sinnt öllum samskiptum fyrirtækisins við grænlensk stjórnvöld. Stjórnarformaður Polar Seafood er Henrik Leth en hann hefur lengi verið einn af helstu forystumönnum grænlensks sjávarútvegs.
 
Árið 2014 hafði Henrik Leth samband við Gunnþór Ingvason og tjáði honum að á Grænlandi væri í umræðunni að einhverjir áformuðu að koma upp fiskimjöls- og uppsjávarvinnslu í Ammasalik á austurströnd landsins.  Taldi Henrik þessi áform mjög óraunhæf og áleit að þau væru sett fram í þeim tilgangi að ná kvóta hjá grænlenskum stjórnvöldum. Til þess að fá nánari upplýsingar um tæknileg málefni og kostnað við uppbyggingu eins og þessa leitaði hann til Gunnþórs Ingvasonar. Gunnþór vissi að Samherji hefði nýlega látið gera áætlanir um slíka uppbyggingu í Marokkó og einfaldast væri að skoða þær. Sendi hann Samherjamönnum tölvupóst þar sem hann bað um að fá þessar upplýsingar þó þær ættu við um uppbyggingu í Afríku. Þar með var málinu lokið að hans hálfu.
 
Henrik Leth segir eftirfarandi um þetta: „Ég leitaði til Gunnþórs um upplýsingar einfaldlega vegna þess að Síldarvinnslan hefur mikla reynslu og þekkingu á uppbyggingu og rekstri vinnslufyrirtækja. Ég hefði aldrei getað ímyndað mér að hægt væri að búa til svona neikvæða frétt um greiðvikni hans í minn garð. Þetta er sorglegt dæmi um óvönduð vinnubrögð fjölmiðla.“ 
 
Af framansögðu má ljóst vera að orð Gunnþórs Ingvasonar í tölvupóstinum voru slitin úr samhengi í umræddri frétt. Síldarvinnslan harmar þann villandi og meiðandi málflutning sem birtist í fréttinni.

Veiðiskip búin til loðnuleitar og –mælinga

Unnið að því að kvarða dýptarmæli Barkar NK á Norðfirði í gær. Ljósm. Smári GeirssonUnnið að því að kvarða dýptarmæli Barkar NK á Norðfirði í gær.
Ljósm. Smári Geirsson

Páll Reynisson, sérfræðingur hjá Hafrannsóknastofnun, er kominn austur á land í þeim tilgangi að búa loðnuskip til leitar og mælinga á loðnu. Heimasíðan ræddi stuttlega við Pál og spurði hvað fælist í því að gera skipin hæf til þessa verkefnis. „Það þarf að kvarða dýptarmæla skipanna en þá er næmni mælanna athuguð. Nauðsynlegt er að vita hvað mælarnir sýna svo unnt sé að meta magn loðnu sem mælist á tilteknu svæði. Gert er ráð fyrir að mælar í fjórum skipum verði kvarðaðir en skipin eru Börkur NK, Bjarni Ólafsson AK, Aðalsteinn Jónsson SU og grænlenska skipið Polar Amaroq. Það getur verið mjög mikilvægt að eiga kost á að nýta þessi skip til leitar og mælinga á loðnu auk hafrannsóknaskipanna. Þegar skipin fara í leitarleiðangra eru menn frá Hafrannsóknastofnun um borð til að vakta mælana og fylgjast með þeim upplýsingum sem þeir gefa. Loðnuskip hafa áður verið nýtt til mælinga. Síðasta vetur fóru loðnuskipin Börkur NK, Polar Amaroq, Aðalsteinn Jónsson SU, Heimaey VE og Ásgrímur Halldórsson SF í leiðangra á tímabilinu desember og fram í febrúar og nýttust vel þó ekki tækist að finna nægilegt magn af loðnu til að heimila veiðar,“ segir Páll Reynisson.

Blængur NK – eini frystitogari Austfirðinga

Blængur NK í Norðfjarðarhöfn. Ljósm. Hákon ErnusonBlængur NK í Norðfjarðarhöfn. Ljósm. Hákon Ernuson

Sumarið 2015 festi Síldarvinnslan í Neskaupstað kaup á frystitogaranum Frera af Ögurvík hf. og fékk hann þá nafnið Blængur og einkennisstafina NK 125. Blængur hét upphaflega Ingólfur Arnarson og var smíðaður á Spáni fyrir Bæjarútgerð Reykjavíkur. Skipið kom nýtt til landsins í janúarmánuði 1974. Bæjarútgerðin átti togarann til ársins 1985 en þá festi Ögurvík kaup á honum og þá var honum breytt í frystiskip. Árið 2000 voru gerðar umfangsmiklar breytingar á togaranum en þá var hann meðal annars lengdur um 10 metra og aðalvél endurnýjuð. Einnig var vinnslulínan endurnýjuð svo og frystilestin. Skipið er 79 metra langt eftir breytingarnar og búið 5000 hestafla aðalvél af gerðinni Wartsila. Það er 1723 brúttótonn að stærð.
 
Blængur NK er eini frystitogari Austfirðinga og því hefur hann nokkra sérstöðu. Skipstjórar á skipinu eru þeir Bjarni Ólafur Hjálmarsson og Theodór Haraldsson og settist tíðindamaður heimasíðunnar niður með þeim á dögunum til að fræðast um skipið og útgerð þess. Í upphafi viðtalsins kom fram að Blængur hafi  fyrst og fremst verið gerður út á ufsa, karfa og grálúðu, en það eru tegundirnar sem íslenskir frystitogarar hafa  lagt áherslu á að veiða á undanförnum árum. Um væri að ræða hörkuskip með miklum togkrafti og Blængur væri nú eitt af öflugustu togskipum Íslendinga. „Skipið er öflugt veiðitæki og oft gaman að fiska á það,“ segir Theodór.
 

Trollið tekið. Ljósm. Hreinn SigurðssonTrollið tekið. Ljósm. Hreinn Sigurðsson

Yfirstandandi ár er í reynd fyrsta árið sem útgerð Blængs er samfelld. Skipið var keypt um sumarið 2015, á árinu 2016 fór það í umfangsmiklar breytingar í Póllandi og lauk þeim ekki fyrr en komið var fram á árið 2017. Árið 2018 var 
sk
ipið einnig frá veiðum um tíma en þá var meðal annars skipt um togspil. Segja má að árið 2019 sé þriðja rekstrarár skipsins í eigu Síldarvinnslunnar og fyrsta heila árið í rekstri.
 
„Árið í ár hefur verið afar gott. Við erum búnir að fiska fyrir 2,1 milljarð króna á árinu og enn eru hátt í tveir mánuðir eftir af því. Árið 2018 fiskuðum við um 6000 tonn allt árið en nú erum við búnir að fiska 6.900 tonn og það má reikna með að ársaflinn fari að minnsta kosti í 7.500 tonn,“ segir Bjarni Ólafur. Líklega mun afli skipsins í ár verða sá mesti sem austfirskur togari hefur skilað á land.
 
Þó svo að áhersla sé helst lögð á ufsa- og karfaveiði á miðunum við Ísland hefur Blængur farið í Barentshafið bæði í ár og í fyrra og fiskað þorsk. „Barentshafstúrarnir hafa skipt okkur miklu máli en þar var veitt í maímánuði 2018 og í júní 2019. „Sérstaklega var Barentshafstúrinn í ár glæsilegur en þá veiddum við 1500 tonn af þorski og var aflaverðmætið um 500 milljónir. Veiðin gekk í alla staði eins vel og hægt var að hugsa sér,“ segir Theodór.
 

Fiskur snyrtur um borð í Blængi NK. Ljósm. Hreinn SigurðssonFiskur snyrtur um borð í Blængi NK.
Ljósm. Hreinn Sigurðsson

Fram kemur hjá þeim Bjarna Ólafi og Theodór að 26 séu í áhöfn Blængs en heildaráhöfnin telji um 45 manns. Rúmlega helmingur heildaráhafnarinnar er í skiptikerfi. Yfirleitt taka veiðiferðir skipsins um það bil einn mánuð. Yfirmenn skipsins eru Austfirðingar en hásetar koma frá ýmsum landshlutum, allmargir til dæmis að norðan og nokkrir af höfuðborgarsvæðinu. Vart hefur orðið við aukinn áhuga sjómanna á plássum á Blængi og segja þeir Bjarni Ólafur og Theodór að um þessar mundir rigni inn umsóknum. „Áhuginn ræðst mikið af tekjumöguleikunum og fullur hásetahlutur það sem af er árinu er kominn í 21 milljón króna. Fiskverð er hátt um þessar mundir og gengið hefur þróast með hagstæðum hætti og þetta hvoru tveggja kemur sér vel. Það hefur ekki verið óalgengt að háseti hafi haft um tvær milljónir króna fyrir túrinn að undanförnu. Það má hins vegar ekki gleyma því að það er mikil vinna um borð í frystitogara og menn þurfa að hafa fyrir lífinu um borð í slíku skipi,“ segir Theodór.