Norðfjarðargöng valda byltingu í flutningum

Flutningabílar við gömlu Oddsskarðsgöngin. Nú heyra þau sögunni til sem samgöngumannvirki. Ljósm. Gunnar RúnarssonFlutningabílar við gömlu Oddsskarðsgöngin.
Nú heyra þau sögunni til sem
samgöngumannvirki. Ljósm. Gunnar Rúnarsson
Rúnar Gunnarsson rekstrarstjóri hjá Eimskip-Flytjanda segir að ljóst sé að hin nýju Norðfjarðargöng valdi algerri byltingu í landflutningum frá og til Neskaupstaðar. Eimskip-Flytjandi annast meðal annars flutninga á frystum fiski frá Síldarvinnslunni og eru þeir mjög umfangsmiklir nánast allt árið, ekki síst á meðan á loðnuvertíð stendur. Þar fyrir utan eru miklir flutningar á fiski frá bátum sem landa á Norðfirði. Heimasíðan hafði samband við Rúnar Gunnarsson og spurði hann hver reynslan væri af Norðfjarðargöngum fyrstu vikuna eftir opnun þeirra. „Þetta er í einu orði sagt stórkostleg samgöngubót, sannkölluð bylting. Við sem önnumst þungaflutninga finnum ekki síst fyrir því hvað þetta  glæsilega mannvirki breytir miklu. Það má nefna að í gær þurftum við að flytja 11 frystigáma frá Síldarvinnslunni til Mjóeyrarhafnar í Reyðarfirði. Til þessa hafa slíkir flutningar með tveimur bílum tekið einn og hálfan dag en í gær var þeim lokið um miðjan dag. Þetta er í reyndinni ótrúlegt. Flutningabíll frá frystigeymslu Síldarvinnslunnar til Mjóeyrarhafnar var 54 mínútur á leiðinni þegar farið var yfir Oddsskarð en með tilkomu Norðfjarðarganganna er hann einungis 26 mínútur á leiðinni. Það sjá allir á þessu hve göngin skipta miklu máli og þess skal getið að í þessari viku höfum við flutt 24 frystigáma frá Síldarvinnslunni þessa leið. En Norðfjarðargöngin spara meira en tíma. Með Flutningabíll við nýju Norðfjarðargöngin. Ljósm. Jóhannes Guðmundsson.Flutningabíll við nýju Norðfjarðargöngin.
Ljósm. Jóhannes Guðmundsson.
tilkomu þeirra minnkar mikið slit á bílunum, olíueyðsla minnkar mikið og dekkjaslit einnig. Fyrir utan það að þurfa ekki að fara yfir erfiðan fjallveg þá stytta Norðfjarðargöng vegalengdina um 4 km. og það eru 8 km. fram og til baka. Það er alls ekki lítil stytting. Síðast en ekki síst skal minnst á hið aukna öryggi. Nú má segja að leiðin til og frá Neskaupstað sé þægileg og örugg en það var hún ekki þegar þurfti að fara yfir skarðið í alls konar veðrum og við alls konar aðstæður. Norðfjarðargöng eru svo sannarlega þarft mannvirki sem á eftir að breyta miklu og hafa víðtæk jákvæð áhrif á margt hér eystra,“ sagði Rúnar.

 

 

 

 

 

 

Blængur millilandar í Neskaupstað

Blængur NK. Ljósm. Hákon ErnusonBlængur NK. Ljósm. Hákon ErnusonFrystitogarinn Blængur NK kom til millilöndunar í Neskaupstað í morgun. Landað verður úr skipinu í dag en það mun halda á ný til veiða í kvöld og mun veiðferðinni væntanlega ljúka 29. þessa mánaðar. Heimasíðan ræddi við Theodór Haraldsson skipstjóra og sagði hann að veiðiferðin hefði gengið vel til þessa. „Við fórum út 1. nóvember og aflinn upp úr sjó á þessum tveimur vikum var um 370 tonn að verðmæti 86 milljónir króna. Við höfum mest verið að veiða á grunnunum austur af landinu og uppistaða aflans er ufsi en hluti hans er karfi og grálúða. Það hefur verið heldur leiðinleg tíð nánast allan tímann – kaldaskítur. Þó hefur alltaf verið unnt að veiða ef undan er skilinn einn sólarhringur. Því miður virðist ekkert lát ætla að verða á þessum kaldaskít,“ sagði Theodór.

Skoðunarferðir í Póllandsferð

Skoðunarferðir í PóllandsferðFrá GdanskEins og fram hefur komið á heimasíðunni mun starfsfólk Síldarvinnslunnar halda til Gdansk í Póllandi dagana 31. nóvember og 1. desember nk. Þar mun meðal annars verða efnt til veglegrar afmælishátíðar en Síldarvinnslan verður sextug 11. desember nk. Það er Ferðaskrifstofa Akureyrar sem skipuleggur ferðina og býður hún meðal annars upp á þrjár skoðunarferðir í Gdansk. Skoðunarferðirnar eru nú komnar í sölu á netinu og er unnt að finna upplýsingar um þær á síðunni www.aktravel.is/sildarvinnslan. Á síðunni er unnt að ganga frá bókunum í ferðirnar. Þar finnst bókunarvél og leiðir hún menn áfram á öruggt greiðslusvæði. Eina sem þarf að gera er að velja hvaða skoðunarferð eða skoðunarferðir hver og einn hyggst kaupa, skrá nöfn og helstu upplýsingar um kaupanda og ganga frá greiðslu. Ef einhver vandamál koma upp við skráningu er unnt að hringja í síma 460-0600 eða hafa samband á This email address is being protected from spambots. You need JavaScript enabled to view it..">This email address is being protected from spambots. You need JavaScript enabled to view it..
 
Skoðunarferðirnar eru eftirtaldar:
 
  1. Skoðunarferð um gamla bæinn í Gdansk. Farið með rútu frá hóteli og gengið um gamla bæinn með enskumælandi leiðsögumanni, en íslenskur fararstjóri verður með í ferðinni til stuðnings. Gamli bærinn er heillandi og verður margt skoðað t.d. St. Mary´s Basilica (stærsta múrsteinskirkja í heimi), Neptune styttan og gosbrunnurinn, Gullna hliðið, Artus Court og höllin í Gdansk. Þá verður gengið meðfram ánni og þannig ættu allir að fá tilfinningu fyrir þessari sögufrægu borg. Þátttakendum verður síðan skilað aftur heim á hótel en unnt verður að vera eftir í Gdansk og njóta dagsins. Mælt er með að fólk skoði Solidarity Center Museum ef það verður eftir í borginni. Verð: 3.900 kr.

  2. Safnaferð. Farið verður með rútu frá hóteli að hinu fræga safni um síðari heimsstyrjöldina, en safnið er eitt af helstu kennileitum Gdansk. Gera má ráð fyrir að skoðunarferð um safnið taki 2-3 klukkustundir. Í ferðinni verður enskumælandi leiðsögumaður og íslenskur fararstjóri til stuðnings. Þátttakendum verður skilað aftur heim á hótel. Verð: 4.900 kr.

  3. Skoðunarferð í Malbork kastalann. Farið verður með rútu frá hótelinu og Malbork kastali skoðaður. Kastalinn er einn stærsti múrsteinskastali í Evrópu og er hann skammt suðaustur af Gdansk. Það er mikil upplifun að skoða kastalann sjálfan og umhverfi hans ásamt því að hlýða á sögulegan fróðleik. Í ferðinni er enskumælandi leiðsögumaður og íslenskur fararstjóri til stuðnings. Þátttakendum verður skilað aftur heim á hótel að ferð lokinni. Verð: 4.900 kr.
 
Eru allir þeir sem hyggjast nýta þessi tilboð um skoðunarferðir hvattir til að skrá sig fyrir 20. nóvember.
 

Ævisaga Magna Kristjánssonar skipstjóra

Ævisaga Magna Kristjánssonar skipstjóraÚt er komin ævisaga Magna Kristjánssonar skipstjóra frá Neskaupstað. Hann var árum saman skipstjóri á bátum Síldarvinnslunnar m.a. á fyrsta skuttogara Íslendinga, Barða. Í bókinni, sem Ragnar Ingi Aðalsteinsson frá Vaðbrekku skrifar, segir Magni frá mörgu eftirminnilegu, svo sem:
 
- uppvexti í Neskaupstað
- sveitadvöl og síldveiðiævintýri í Mjóafirði
- sérkennilegum jólagjöfum hans og Dadda Dóra
- áflogum um borð í síðutogara
- fyrsta skuttogaranum
- Jóni gaur
- ríflega 50 daga siglingu heim frá Japan
- torkennilegum kapli á grunnslóðinni
- æsilegum átökum í Þorskastríðinu
- uppreisn á loðnuflotanum
- þróunarstarfi á Grænhöfðaeyjum
- örnefnum á hafsbotni
- eftirminnilegum fundi hjá Farmanna- og fiskimannasambandinu
- sögulegum hreindýraveiðum
- sviptingum í pólitík og mörgu fleiru.
 
Magni segir frá af hispursleysi og hreinskilni. Hann var mikill áhugamaður um kolmunnaveiðar, kenndi sjómönnum ýmis fræði, kom á fót söfnum í heimabyggð sinni og svo mætti lengi telja. Þá tóku Norðmenn feil á honum og sjónvarpshetju sinni, sjálfum Fleksnes, og var hann ekkert að leiðrétta þá.
 
Magni var stýrimaður á Berki elsta en síðan skipstjóri á skuttogaranum Barða á árunum 1970-1973. Hann tók síðan við skuttogaranum Bjarti árið 1973 og sat þar í skipstjórastóli til 1976. Lengst var síðan Magni skipstjóri á Stóra-Berki eða á árunum 1976-1989.