Um helgina hefur síldarvinnsla hjá Síldarvinnslunni hf. verið í fullum gangi en Bjarni Ólafsson kom með 500 tonn til vinnslu í gærmorgun. Háberg GK og Börkur NK komu báðir með 600 tonn. Samtals er því verið að vinna 1.700 tonn af síld sem veiddist í nót í síldarsmugunni en um sólarhringsstím er á miðin. Síldin er mjög væn og er meðalvigt um 400 gr.
Starfsemi í frystihúsi Síldarvinnslunnar hf. hófst aftur í nótt eftir sumarfrí. Börkur NK kom með 900 tonn af síld til vinnslu í frystihúsinu. Bjarni Ólafsson er á landleið með 600 tonn af síld til vinnslu.
Vilhelm Þorsteinsson EA, vinnsluskip Samherja hf., og Hákon EA, vinnsluskip Gjögurs hf., eru að landa fullunnum síldarafurðum í frystigeymslu Síldarvinnslunnar hf. samtals um 1.200 tonn af afurðum sem skiptast í síldarflök, heilfrysta síld og makríl.
Áætluð verðmæti sem fara um höfnina þennan sólarhringinn eru um 300 milljónir.
Aðalfundur Síldarvinnslunnar hf. verður haldinn í dag, fimmtudaginn 25. júní kl. 14:30 í Jósafatssafni í Neskaupstað.
Barði NK-120 hefur frá 16. maí prófað að nota flottrollshlera framan við hefðbundið botntroll. Hlerarnir eru frá Thyboron í Danmörku, tegund 15 VF. Trollið er Hemmer T-90 frá Fjarðaneti.
|
|
... myndir í hleðslu ...
