Gullver með góðan túr

Gullver NS að landa á Seyðisfirði í gær. Ljósm. Ómar BogasonGullver NS að landa á Seyðisfirði í gær. Ljósm. Ómar BogasonÍsfisktogarinn Gullver NS kom til Seyðisfjarðar aðfaranótt mánudags með fullfermi eða 106 tonn af blönduðum afla. Er þetta fyrsta veiðiferð skipsins eftir slipp. Jónas Jónsson skipstjóri var ánægður með túrinn. „Þessi túr var stuttur, rétt um þrír sólarhringar frá höfn í höfn. Aflinn var býsna góður. Við byrjuðum í Berufjarðarálnum, fórum þaðan í Lónsdýpið og enduðum á Breiðdalsgrunni. Alls staðar fiskaðist vel.  Við munum næst landa áður en frystihúsið á Seyðisfirði hefur starfsemi að aflokinni sumarlokun, en það verður á þriðjudag eftir verslunarmannahelgina,“ sagði Jónas.

 

 

Nýráðnir aðstoðarverkstjórar í fiskiðjuverinu

 
Árni Freyr Arngrímsson og Elvar Ingi Þorsteinsson Ljósm. Húnbogi SólonÁrni Freyr Arngrímsson og Elvar Ingi Þorsteinsson.
Ljósm. Húnbogi Sólon
Tveir ungir aðstoðarverkstjórar hafa verið ráðnir til starfa í fiskiðjuveri Síldarvinnslunnar í Neskaupstað. Þetta eru þeir Árni Freyr Arngrímsson og Elvar Ingi Þorsteinsson.
 
Árni er fæddur og uppalinn Akureyringur og er að ljúka sjávarútvegsnámi í Háskólanum á Akureyri. Hann hefur starfað á frystitogara Samherja við síldar- og makrílfrystingu síðustu sex sumur og starfaði auk þess sumarlangt í fiskiðjuveri Síldarvinnslunnar. Árni mun vinna að lokaritgerð sinni í sjávarútvegsnáminu í samvinnu við Síldarvinnsluna.
 
Elvar Ingi er Norðfirðingur og lauk námi í markaðsfræðum frá Háskólanum í Árósum í Danmörku árið 2014. Lokaverkefni hans fjallaði um uppsjávarafurðir á kínverskum markaði og var það unnið í samvinnu við Síldarvinnsluna. Elvar starfaði í fiskiðjuveri Síldarvinnslunnar á árunum 2010-2012 og var skipverji á Síldarvinnslutogurunum Bjarti og Barða á árunum 2014-2017.
 
Síldarvinnslan býður þá Árna Frey og Elvar Inga velkomna til nýrra starfa. 

Rúmlega 2.500 tonnum af frystum makríl landað í frystigeymslurnar

Vilhelm Þorsteinsson EA kom í morgun til Neskaupstaðar með 480 tonn af frystum makríl auk afskurðar og makríls sem flokkaðist frá við vinnsluna og landað var í fiskimjölsverksmiðjuna. Frysta makrílnum var landað í frystigeymslur Síldarvinnslunnar. Heimir Ásgeirsson, yfirverkstjóri í frystigeymslunum, segir að með þessum farmi séu komin rúmlega 2.500 tonn af frystum makríl frá vinnsluskipum í frystigeymslurnar á vertíðinni. Vilhelm Þorsteinsson  sé nú að landa í fjórða sinn og að auki hafi Hákon EA landað einu sinni 625 tonnum.  

Heimir segir að í vikunni hafi komið flutningaskip og lestað rúmlega tvö þúsund tonn af frystum afurðum. Hafi farið um borð í skipið blanda af makríl, síld og loðnu. „Síðan eru frystar afurðir alltaf að fara í gámum í skip á Reyðarfirði þannig að hér er mikið umleikis. Það verður mikil framför þegar ný Norðfjarðargöng verða tekin í notkun í septembermánuði því þá þurfa bílarnir ekki að fara með gámana yfir Oddsskarð, fjallveg sem fer í yfir 600 metra hæð. Bílstjórarnir bíða spenntir eftir göngunum enda mun tilkoma þeirra auðvelda flutningana, stytta ferðatíma og bæta meðferð ökutækjanna. Ný Norðfjarðargöng munu hafa byltingarkennd áhrif,“ sagði Heimir að lokum.  

DSC05380Frystum makríl landað úr Vilhelm Þorsteinssyni EA í dag. Ljósm: Húnbogi Sólon

     
              Bjarni Ólafsson AK kom til Neskaupstaðar með 460 tonn af makríl í gærkvöldi og fer hann allur til vinnslu í fiskiðjuverinu. Gísli Runólfsson skipstjóri segir að aflinn hafi fengist í tveimur holum í Lónsdýpinu og um sé að ræða mjög góðan fisk. Gísli segir að þeir hafi þurft að koma í land fyrr en áætlað var vegna brælu. 
                                                                                             

DSC05380Bjarni Ólafsson AK kemur til löndunar í gærkvöldi. Ljósm: Húnbogi Sólon

 

 

Makrílvertíðarstemning hafin

Makrílvertíðarstemning í Norfjarðarhöfn. Lengst til vinstri sést skip sem lestar frystar afurðir. Beitir NK er að landa makríl og lengst til hægri bíður Börkur NK löndunar. Ljósm. Smári GeirssonMakrílvertíðarstemning í Norfjarðarhöfn. Lengst til vinstri sést skip sem lestar
frystar afurðir. Beitir NK er að landa makríl og lengst til hægri bíður
Börkur NK löndunar. Ljósm. Smári Geirsson
Í Neskaupstað er makrílvertíðarstemning hafin fyrir alvöru. Veiðiskipin koma og fara og flutningaskip lestar afurðir. Það er líf og fjör í höfninni. Sum veiðiskipanna koma með frystar afurðir sem unnar eru um borð og fara þær í frystigeymslur Síldarvinnslunnar. Önnur skip koma með kældan ferskan makríl til vinnslu í fiskiðjuverinu en þar starfa um 100 manns á þrískiptum vöktum. Fiskimjölsverksmiðjan tekur síðan á móti afskurði og öllu því sem flokkast frá við manneldisvinnsluna, en það er sáralítill hluti þess afla sem á land kemur.
 
Bjarni Ólafsson AK kom með 160 tonn af makríl sl. föstudag og var sá afli nýttur til að prófa nýjan búnað í fiskiðjuverinu. Beitir NK kom síðan með 640 tonn í gær og þá hófst vinnsla af fullum krafti. Börkur NK kom síðan í morgun með rúmlega 600 tonn og bíður hann löndunar, en Bjarni Ólafsson er á miðunum. Venjulega gengur vertíðin svona fyrir sig; þess er ávallt gætt að nægur afli sé fyrir samfellda vinnslu og öll áhersla lögð á að hann sé nýveiddur og vel kældur. Gæði hráefnisins er það sem öllu máli skiptir.
 
Hálfdan Hálfdanarson, skipstjóri á Berki sagði að afli skipsins hefði fengist í fjórum stuttum holum ofarlega í Lónsdýpinu. „Það var töluvert að sjá þarna í gærkvöldi og ég held að bátarnir sem voru þarna hafi verið að fá þokkalegan afla. Það var hins vegar lítið að sjá fyrri partinn í gær. Löndun mun hefjast hjá okkur síðdegis en þá verður lokið við að landa úr Beiti,“ sagði Hálfdan.